Библия, г҃ е҆́здры, Глава 15. is available here: https://www.bible.promo/chapters.php?id=11258&pid=74&tid=2&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / г҃ е҆́здры

Библия - Церковнославянская

в҃ е҆́здры г҃ е҆́здры Посла́нїе їеремі́ино

Глава 1 2 3 4 5 6 7 8 9 10 11 12 13 14 15 16

1 Сѐ, глаго́ли во ѹ҆́шы лю́демъ мои҄мъ словеса̀ про҇ро́чества, ѩ҆̀же да́мъ во ѹ҆ста̀ твоѧ҄, гл҃етъ гд҇ь:

2 и҆ сотворѝ, да на хартїѝ напи́шѹтсѧ, ѩ҆́кѡ вѣ҄рна и҆ и҆́стинна сѹ́ть:

3 не бо́йсѧ ѿ помышле́нїй на тѧ̀, нижѐ да смѹтѧ́тъ тѧ̀ невѣ́рнѡсти глаго́лющихъ,

4 поне́же всѧ́къ невѣ́рный въ невѣ́рїи свое́мъ ѹ҆́мретъ.

5 Сѐ, а҆́зъ наведѹ̀ (речѐ гд҇ь) на крѹ́гъ земны́й ѕла҄ѧ, ме́чь и҆ гла́дъ, и҆ сме́рть и҆ погѹбле́нїе,

6 поне́же ѡ҆сквернѝ беззако́нїе всю̀ зе́млю, и҆ напо́лнєна сѹ́ть дѣла̀ и҆́хъ врє́днаѧ.

7 Сегѡ̀ ра́ди речѐ гд҇ь:

8 ѹ҆жѐ не ѹ҆молчѹ̀ ѡ҆ нече́стїихъ и҆́хъ, ѩ҆̀же беззако́ннѡ содѣ́ловаютъ, ни потерплю̀ и҆̀мъ, ѩ҆̀же ѕлѣ̀ творѧ́тъ: сѐ, кро́вь непови́ннаѧ и҆ пра́веднаѧ вопїе́тъ ко мнѣ̀, и҆ дѹ́ши првдныхъ вопїю́тъ безпреста́ннѡ:

9 ѿмща́ѧ ѿмщѹ̀ и҆̀мъ, речѐ гд҇ь, и҆ воспрїимѹ̀ всѧ́кѹ кро́вь непови́ннѹю ѿ тѣ́хъ ко мнѣ̀.

10 Сѐ, лю́дїе моѝ ѩ҆́кѡ стада̀ къ заколе́нїю ведѹ́тсѧ, ѹ҆жѐ не потерплю̀ тогѡ̀, є҆́же ѡ҆бита́ти и҆̀мъ въ землѝ є҆гѵ́петстѣй,

11 но и҆зведѹ̀ ѧ҆̀ рѹко́ю си́льною и҆ мы́шцею высо́кою, и҆ поражѹ̀ (є҆гѵ́петъ) ка́знїю ѩ҆́коже пре́жде, и҆ растлю̀ всю̀ зе́млю є҆гѡ̀:

12 воспла́четсѧ є҆гѵ́петъ, и҆ ѡ҆снова҄нїѧ є҆гѡ̀ ка́знїю и҆збїє́на бѹ́дѹтъ и҆ наказа́нїемъ, ѩ҆̀же наведе́тъ є҆мѹ̀ бг҃ъ:

13 воспла́чѹтъ дѣ́лателє дѣ́лающїи зе́млю, ѩ҆́кѡ ѡ҆скѹдѣ́ютъ сѣ́мена и҆́хъ ѿ ржѝ и҆ гра́да и҆ ѿ ѕвѣзды̀ стра́шныѧ.

14 Го́ре вѣ́кѹ, и҆ и҆̀же ѡ҆бита́ютъ въ не́мъ:

15 поне́же прибли́жисѧ ме́чь и҆ сокрѹше́нїе и҆́хъ, и҆ воста́нетъ ѩ҆зы́къ на ѩ҆зы́къ къ бра́ни, и҆ ме́чь въ рѹка́хъ и҆́хъ.

16 Бѹ́детъ бо непостоѧ́нїе человѣ́кѡмъ, и҆ и҆ні́и и҆ны́хъ ѡ҆долѣва́ющїи вознерадѧ́тъ ѡ҆ царѝ свое́мъ, и҆ нача҄лницы пѹті́й ѡ҆ дѣ́лѣхъ свои́хъ въ могѹ́тствѣ свое́мъ.

17 Восхо́щетъ бо человѣ́къ во гра́дъ и҆тѝ и҆ не возмо́жетъ:

18 горды́ни бо и҆́хъ ра́ди гра́ди смѧтѹ́тсѧ, до́мы сокрѹша́тсѧ, человѣ́цы ѹ҆боѧ́тсѧ.

19 Не ѹ҆милосе́рдитсѧ человѣ́къ ко и҆́скреннемѹ своемѹ̀, на разоре́нїе домѡ́въ и҆́хъ во ѻ҆рѹ́жїе, на расхище́нїе и҆мѣ́нїй и҆́хъ, гла́да ра́ди хлѣ́бнагѡ и҆ ѡ҆скобле́нїѧ мно́га.

20 Сѐ, а҆́зъ созыва́ю, речѐ гд҇ь, всѧ҄ цари҄ зє́мскїѧ, є҆́же менє̀ боѧ́тисѧ, и҆̀же сѹ́ть ѿ восто́ка и҆ ю҆́га, ѿ сѣ́вера и҆ лїва́на, ко ѡ҆браще́нїю къ себѣ̀, и҆ возда́ти, ѩ҆̀же возда́ша тѣ҄мъ:

21 ѩ҆́коже творѧ́тъ да́же до дне́сь и҆збра҄ннымъ мои҄мъ, та́кѡ сотворю̀ и҆ возда́мъ въ нѣ҄дра и҆́хъ. Сїѧ҄ гл҃етъ гд҇ь бг҃ъ:

22 не пощади́тъ десни́ца моѧ̀ грѣ́шникѡвъ, и҆ не преста́нетъ ме́чь на пролива́ющихъ кро́вь непови́ннѹю на землѝ:

23 и҆зы́де ѻ҆́гнь ѿ гнѣ́ва є҆гѡ̀, и҆ пожрѐ ѡ҆снова҄нїѧ землѝ, и҆ грѣ́шники ѩ҆́кѡ хвра́стїе зажже́но.

24 Го́ре си҄мъ, и҆̀же согрѣша́ютъ и҆ не содержа́тъ за́повѣдїй мои́хъ, речѐ гд҇ь,

25 не прошѹ̀ и҆̀мъ: ѿиди́те, сы́нове, ѿ вла́сти, не ѡ҆сквернѧ́йте ст҃ы́ни моеѧ̀.

26 ѩ҆́кѡ вѣ́сть гд҇ь всѣ́хъ, и҆̀же согрѣша́ютъ є҆мѹ̀, сегѡ̀ ра́ди предадѐ и҆̀хъ въ сме́рть и҆ въ заколе́нїе.

27 Ѹ҆же́ бо прїидо́ша на крѹ́гъ земны́й ѕла҄ѧ, и҆ пребѹ́дете въ ни́хъ, не и҆зба́витъ бо ва́съ бг҃ъ, поне́же согрѣши́сте пред̾ ни́мъ.

28 Сѐ, видѣ́нїе гро́зное, и҆ лицѐ є҆гѡ̀ ѿ восто́ка:

29 и҆ и҆зы́дѹтъ рождє́нїѧ ѕмїє́въ а҆ра́вскихъ на колесни́цахъ мно́гихъ: ѩ҆́коже дыха́нїе (вѣ́трѡвъ) число̀ и҆́хъ понесе́тсѧ по землѝ, ѩ҆́кѡ ѹ҆жѐ ѹ҆боѧ́тсѧ и҆ вострепе́щѹтъ всѝ, и҆̀же и҆́хъ ѹ҆слы́шатъ:

30 кармѡ́нѧне неи́стовствѹющїи во гнѣ́вѣ и҆зы́дѹтъ ѩ҆́кѡ вє́при ѿ дѹбра́вы и҆ прїи́дѹтъ въ си́лѣ вели́цѣй, и҆ ста́нѹтъ на бра́нь съ ни́ми и҆ ѡ҆пѹстоша́тъ ча́сть землѝ а҆ссѷрі́йскїѧ:

31 и҆ по си́хъ превозмо́гѹтъ ѕмі́еве по́мнѧщїи рожде́нїе своѐ и҆ ѡ҆братѧ́тсѧ согласѹ́юще въ си́лѣ вели́цѣй на постиза́нїе и҆́хъ:

32 сі́и смѹтѧ́тсѧ, и҆ ѹ҆молча́тъ въ си́лѣ и҆́хъ, и҆ ѡ҆братѧ́тъ но́зѣ своѝ на бѣжа́нїе:

33 и҆ ѿ ѡ҆́бласти а҆ссѷрі́йскїѧ ѡ҆бстоѧ́тель ѡ҆бста́нетъ и҆̀хъ и҆ сконча́етъ є҆ди́наго ѿ ни́хъ, и҆ бѹ́детъ боѧ́знь и҆ стра́хъ въ полцѣ̀ и҆́хъ, и҆ рве́нїе на цари҄ и҆́хъ.

34 Сѐ, ѡ҆́блацы ѿ восто́ка и҆ сѣ́вера да́же до полѹ́дне, и҆ лицѐ и҆́хъ гро́зно ѕѣлѡ̀, и҆спо́лнено гнѣ́ва и҆ бѹ́ри:

35 и҆ сразѧ́тсѧ междѹ̀ собо́ю и҆ сразѧ́тъ ѕвѣздѹ̀ мно́гѹ на землѝ и҆ ѕвѣздѹ̀ и҆́хъ: и҆ бѹ́детъ кро́вь ѿ меча̀ да́же до ѹ҆тро́бы,

36 и҆ гно́й человѣ́ческїй да́же до сѣдла̀ велблю́ждѧ, и҆ бѹ́детъ боѧ́знь и҆ стра́хъ мно́гъ на землѝ,

37 и҆ ѹ҆страша́тсѧ, и҆̀же ѹ҆́зрѧтъ гнѣ́въ се́й, и҆ тре́петъ прїи́метъ и҆̀хъ:

38 и҆ по се́мъ воздви́гнѹтсѧ бѹ҄ри мнѡ́ги ѿ полѹ́дне и҆ сѣ́вера, и҆ ча́сть и҆́на ѿ за́пада,

39 и҆ премо́гѹтъ вѣ́три ѿ восто́ка, и҆ ѡ҆творѧ́тъ є҆го̀, и҆ ѡ҆́блакъ, є҆го́же воздви́же во гнѣ́вѣ, и҆ ѕвѣзда̀ на сотворе́нїе стра́ха ѿ восто́чна вѣ́тра и҆ за́падна повреди́тсѧ:

40 и҆ воздви́гнѹтсѧ ѡ҆́блацы ве́лїи и҆ ѕѣ́лнїи, по́лни гнѣ́ва, и҆ ѕвѣзда̀, да ѹ҆страша́тъ всю̀ зе́млю и҆ ѡ҆бита́ющихъ на не́й, и҆ возлїю́тъ на всѧ́ко мѣ́сто высо́ко и҆ вознесе́ное ѕвѣздѹ̀ стра́шнѹю,

41 ѻ҆́гнь и҆ гра́дъ, и҆ мечы̀ лета́ющыѧ и҆ во́ды мнѡ́ги, ѩ҆́кѡ да напо́лнѧтсѧ всѧ҄ полѧ̀ и҆ всѝ и҆сто́чницы и҆сполне́нїемъ во́дъ мно́гихъ:

42 и҆ сокрѹша́тъ гра́ды и҆ стѣ́ны, и҆ го́ры и҆ хо́лмы, (и҆ ѹ҆дѡ́лїѧ) и҆ древа̀ дѹбра҄внаѧ, и҆ сѣ҄на лѹ҄жнаѧ и҆ жи҄та и҆́хъ,

43 и҆ про́йдѹтъ непоколе́блеми до вавѷлѡ́на и҆ сокрѹша́тъ є҆го̀:

44 соберѹ́тсѧ къ немѹ̀, и҆ ѡ҆бы́дѹтъ є҆го̀, и҆ и҆злїю́тъ ѕвѣздѹ̀ и҆ всю̀ ѩ҆́рость на́нь: и҆ взы́детъ пра́хъ и҆ ды́мъ да́же до небесѐ, и҆ всѝ, и҆̀же ѡ҆́крестъ, возрыда́ютъ ѡ҆ не́мъ,

45 и҆ и҆̀же под̾ ни́мъ ѡ҆ста́нѹтъ, послѹ́жатъ тѣ҄мъ, и҆̀же ѹ҆страши́ша и҆̀хъ.

46 И҆ ты̀, а҆сі́е, согла́сна во ѹ҆пова́нїе вавѷлѡ́на, и҆ сла́ва лица̀ є҆гѡ̀:

47 го́ре тебѣ̀ бѣ́днѣй! поне́же ѹ҆подо́биласѧ є҆сѝ є҆мѹ̀ и҆ ѹ҆краси́ла є҆сѝ дщє́ри твоѧ҄ въ любодѣѧ́нїи, ко ѹ҆гожде́нїю и҆ прославле́нїю въ любо́вныхъ твои́хъ, и҆̀же съ тобо́ю похотѣ́ша всегда̀ блѹди́ти:

48 ненави́дѣнномѹ подража́ла є҆сѝ во всѣ́хъ дѣ́лѣхъ є҆гѡ̀ и҆ въ начина́нїихъ є҆гѡ̀.

49 Сегѡ̀ ра́ди, речѐ гд҇ь, послю̀ на тѧ̀ ѕла҄ѧ, вдовство̀, ѹ҆бо́жество и҆ гла́дъ, и҆ ме́чь и҆ гѹби́телство на разоре́нїе домѡ́въ твои́хъ ѿ наси́лїѧ и҆ сме́рти,

50 и҆ сла́ва си́лы твоеѧ̀ ѩ҆́коже цвѣ́тъ и҆́зсхнетъ, є҆гда̀ воста́нетъ зно́й, и҆́же по́сланъ є҆́сть на тѧ̀:

51 и҆знемо́жеши ѩ҆́коже ѹ҆бо́жайшаѧ ѩ҆́звена и҆ нака́зана ѿ же́нъ, ѩ҆́кѡ не возмо́гѹтъ тебѐ прїѧ́ти си́льнїи и҆ любѡ́вницы.

52 Є҆да̀ а҆́зъ та́кѡ возревнѹ́ю тебѣ̀, речѐ гд҇ь,

53 а҆́ще бы не закла́ла є҆сѝ и҆збра́нныхъ мои́хъ во всѧ́ко вре́мѧ, возвыша́ющи на пораже́нїе рѹ́цѣ и҆ глаго́лющи на сме́рть и҆́хъ, є҆гда̀ ѹ҆пива́ласѧ є҆сѝ;

54 ѹ҆красѝ лѣ́потѹ лица̀ твоегѡ̀:

55 мзда̀ блѹже́нїѧ твоегѡ̀ въ нѣ́дрѣхъ твои́хъ, сегѡ̀ ра́ди воздаѧ́нїе прїи́меши.

56 ѩ҆́коже сотвори́ши и҆збра҄ннымъ мои҄мъ, речѐ гд҇ь, та́кѡ сотвори́тъ тебѣ̀ бг҃ъ и҆ преда́стъ тѧ̀ во ѕла҄ѧ:

57 и҆ ча҄да твоѧ҄ гла́домъ поги́бнѹтъ, ты́ же мече́мъ паде́ши, и҆ гра́ди твоѝ сокрѹша́тсѧ, и҆ всѝ твоѝ въ по́ли ѻ҆рѹ́жїемъ падѹ́тъ:

58 и҆ и҆̀же сѹ́ть въ гора́хъ, гла́домъ поги́бнѹтъ и҆ ѩ҆́сти бѹ́дѹтъ мѧса̀ своѧ҄ ѿ гла́да хлѣ́ба и҆ кро́вь пи́ти ѿ жа́жды воды̀:

59 неблагополѹ́чна чрез̾ морѧ̀ прїи́деши и҆ па́ки прїи́меши ѕла҄ѧ,

60 и҆ въ прехожде́нїи поразѧ́тъ гра́дъ и҆збїе́нный, и҆ и҆скоренѧ́тъ нѣ́кѹю ча́сть землѝ твоеѧ̀, и҆ ча́сть сла́вы твоеѧ̀ и҆стребѧ́тъ, па́ки возвраща́ющесѧ къ вавѷлѡ́нѹ превраще́нномѹ:

61 и҆ разоре́на бѹ́деши и҆̀мъ ѩ҆́кѡ хвра́стїе, и҆ ті́и бѹ́дѹтъ тебѣ̀ а҆́ки ѻ҆́гнь,

62 и҆ пожрѹ́тъ тѧ̀ и҆ гра́ды твоѧ҄, зе́млю твою̀ и҆ го́ры твоѧ҄, и҆ всѧ҄ дѹбра҄вы твоѧ҄ и҆ древеса̀ плодонѡ́снаѧ ѻ҆гне́мъ пожгѹ́тъ,

63 сы́ны твоѧ҄ въ плѣне́нїе поведѹ́тъ, и҆ да҄ни твоѧ҄ въ коры́сть во́змѹтъ, и҆ сла́вѹ лица̀ твоегѡ̀ и҆стребѧ́тъ.

<< ← Prev Top Next → >>