Библия, г҃ е҆́здры, Глава 6. is available here: https://www.bible.promo/chapters.php?id=11249&pid=74&tid=2&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Новый Завет / г҃ е҆́здры

Библия - Церковнославянская

в҃ е҆́здры г҃ е҆́здры Посла́нїе їеремі́ино

Глава 1 2 3 4 5 6 7 8 9 10 11 12 13 14 15 16

1 И҆ речѐ ко мнѣ̀: ѿ нача́ла крѹ́га земна́гѡ и҆ пре́жде ѡ҆снова́нїѧ и҆схо́дѡвъ вѣ́ка, и҆ пре́жде не́же бы́ша ды́шѹще собра҄нїѧ вѣ́трѡвъ

2 и҆ пре́жде не́же возшѹмѣ́ша гла́си гро́мнїи, и҆ пре́жде не́же возсїѧ́ша свѣ́тлѡсти блиста́нїй и҆ пре́жде не́же ѹ҆тверди́шасѧ ѡ҆снова҄нїѧ ра҄йскаѧ,

3 и҆ пре́жде не́же ви́дѣни бы́ша кра́снїи цвѣ́ти и҆ пре́жде не́же ѹ҆крѣпи́шасѧ си҄лы подви́жєныѧ, и҆ пре́жде не́же собра́шасѧ безчи́слєннаѧ вѡ́инства а҆́гг҃лскаѧ

4 и҆ пре́жде не́же вознесо́шасѧ высѡты̀ воздѹ҄шныѧ, и҆ пре́жде не́жели наименова́хѹсѧ мѣ҄ры тве́рдей и҆ пре́жде не́жели возгорѣ́шасѧ пє́щи въ сїѡ́нѣ,

5 и҆ пре́жде не́же и҆зслѣ҄дована бы́ша настоѧ҄щаѧ лѣ҄та и҆ пре́жде не́же ѿчѹжди́шасѧ си́хъ, и҆̀же нн҃ѣ согрѣша́ютъ, начина҄нїѧ, и҆ пре́жде не́же назна́менани бы́ша ті́и, и҆̀же вѣ́рѹ сокро́виществоваша:

6 тогда̀ а҆́зъ помы́слихъ, и҆ сотворє́на сѹ́ть чрез̾ менѐ є҆ди́наго, а҆ не чрез̾ и҆но́го, и҆ коне́цъ бѹ́детъ мно́ю, а҆ не и҆ны́мъ.

7 И҆ ѿвѣща́хъ и҆ реко́хъ: ко́е бѹ́детъ раздѣле́нїе време́нъ; и҆лѝ когда̀ пе́рвомѹ коне́цъ, а҆ дрѹго́мѹ нача́ло;

8 И҆ речѐ ко мнѣ̀: ѿ а҆враа́ма да́же до ї҆саа́ка, є҆гда̀ рожде́ни сѹ́ть ѿ негѡ̀ ї҆а́кѡвъ и҆ и҆са́ѵъ, рѹка̀ ї҆а́кѡвлѧ держа́ше ѿ нача́ла пѧ́тѹ и҆са́ѵовѹ:

9 коне́цъ бо вѣ́ка сегѡ̀ и҆са́ѵъ, а҆ дрѹга́гѡ нача́ло ї҆а́кѡвъ:

10 человѣ́ка рѹка̀ междѹ̀ пѧто́ю и҆ рѹко́ю, и҆но́гѡ не и҆щѝ, є҆́здро.

11 И҆ ѿвѣща́хъ и҆ реко́хъ: ѽ, влдко гд҇и, а҆́ще ѡ҆брѣто́хъ благода́ть пред̾ ѻ҆чи́ма твои́ма,

12 молю́ тѧ, да пока́жеши рабѹ̀ твоемѹ̀ коне́цъ зна́менїй твои́хъ, и҆́хже ча́сть показа́лъ є҆сѝ мнѣ̀ но́щи преше́дшїѧ.

13 И҆ ѿвѣща̀ и҆ рече́ ми: воста́ни на но́ги твоѧ҄ и҆ ѹ҆слы́ши гла́съ и҆спо́лненъ шѹ́ма:

14 и҆ бѹ́детъ а҆́ки колеба́нїе, а҆ не поколе́блетсѧ мѣ́сто, на не́мже стои́ши:

15 сегѡ̀ ра́ди, є҆гда̀ гл҃етъ, ты̀ не ѹ҆жаса́йсѧ, и҆́бо ѡ҆ концы̀ сло́во и҆ ѡ҆снова́нїе землѝ разѹмѣ́етсѧ:

16 поне́же ѡ҆ си́хъ ве́щехъ сло́во, трѧсе́тсѧ и҆ коле́блетсѧ: вѣ́сть бо, ѩ҆́кѡ коне́цъ и҆́хъ и҆́мать и҆змѣни́тисѧ.

17 И҆ бы́сть є҆гда̀ слы́шахъ, воста́хъ на но́зѣ моѝ и҆ слы́шахъ: и҆ сѐ, гла́съ глаго́лющь, и҆ шѹ́мъ є҆гѡ̀ ѩ҆́кѡ шѹ́мъ во́дъ мно́гихъ.

18 И҆ речѐ: сѐ, дні́е грѧдѹ́тъ, и҆ бѹ́детъ, внегда̀ приближа́тисѧ начнѹ̀, да посѣщѹ̀ ѡ҆бита́ющихъ на землѝ,

19 и҆ є҆гда̀ и҆ска́ти начнѹ̀ ѿ си́хъ, и҆̀же непра́веднѡ повреди́ша непра́вдою свое́ю, и҆ є҆гда̀ и҆спо́лнитсѧ смире́нїе сїѡ́не,

20 и҆ є҆гда̀ назна́менаетсѧ вѣ́къ, и҆́же начина́етъ преходи́ти, сїѧ҄ зна́мєнїѧ сотворю̀: кни҄ги разгнѹ́тсѧ пред̾ лице́мъ тве́рди, и҆ всѝ ѹ҆́зрѧтъ вкѹ́пѣ,

21 и҆ є҆динолѣ́тнїи младе́нцы возглаго́лютъ гла҄сы свои́ми, и҆ чрева҄тыѧ недозрѣ́лыхъ родѧ́тъ младе́нцевъ, трїе́хъ и҆ четы́рехъ мц҇ей, и҆ поживѹ́тъ и҆ воздви́жѹтсѧ:

22 и҆ а҆́бїе ѩ҆вѧ́тсѧ мѣста̀ насѣ҄ѧннаѧ ненасѣ҄ѧна, и҆ пѡ́лнаѧ храни҄лища внеза́пѹ ѡ҆брѧ́щѹтсѧ пра҄здна:

23 и҆ трѹба̀ вострѹ́битъ съ шѹ́момъ, ю҆́же є҆гда̀ всѝ ѹ҆слы́шатъ, а҆́бїе ѹ҆жа́снѹтсѧ:

24 и҆ бѹ́детъ въ то̀ вре́ м, воѡрѹжа́тсѧ прїѧ́телє на прїѧ́телей а҆́ки вразѝ, и҆ ѹ҆жа́снетсѧ землѧ̀ съ ни́ми, и҆ жи҄лы и҆сто́чникѡвъ ста́нѹтъ и҆ не стекѹ́тъ въ часѣ́хъ трїе́хъ:

25 и҆ бѹ́детъ, всѧ́къ, и҆́же ѡ҆ста́вленъ бѹ́детъ ѿ всѣ́хъ си́хъ, и҆́миже предреко́хъ тебѣ̀, то́й спасе́тсѧ и҆ ѹ҆́зритъ сп҇нїе моѐ и҆ коне́цъ вѣ́ка ва́шегѡ:

26 и҆ ѹ҆́зрѧтъ, и҆̀же прїѧ́ти сѹ́ть лю́дїе, и҆̀же сме́рти не вкѹси́ша ѿ рожде́нїѧ своегѡ̀, и҆ премѣни́тсѧ се́рдце ѡ҆бита́ющихъ и҆ ѡ҆брати́тсѧ въ чѹ́вство и҆но́е:

27 загла́дитбосѧ лѹка́вое, и҆ погаси́тсѧ ле́сть,

28 процвѣте́тъ же вѣ́ра, и҆ побѣди́тсѧ растлѣ́нїе, и҆ ѩ҆ви́тсѧ и҆́стина, ѩ҆́же без̾ плода̀ бѧ́ше дни҄ толи҄ки.

29 И҆ бы́сть, є҆гда̀ мѝ гл҃а, и҆ сѐ, ти́хѡ смотрѣ́хъ на́нь, пред̾ ни́мже стоѧ́хъ,

30 и҆ речѐ ко мнѣ̀ сїѧ҄: прїидо́хъ къ тебѣ̀ показа́ти вре́мѧ бѹ́дѹщїѧ но́щи:

31 а҆́ще ѹ҆́бѡ па́ки помо́лишисѧ и҆ па́ки попости́шисѧ се́дмь дні́й, па́ки тебѣ̀ возвѣщѹ̀ ѿ си́хъ бо́лшыѧ ве́щы, въ де́нь въ ѻ҆́ньже слы́шахъ:

32 слы́шанъ бо є҆́сть гла́съ тво́й пред̾ вы́шнимъ: ви́дѣ бо крѣ́пкїй и҆справле́нїе твоѐ и҆ прови́дѣ чистотѹ̀, ю҆́же ѿ ю҆́ности твоеѧ̀ и҆мѣ́лъ є҆сѝ,

33 и҆ сегѡ̀ ра́ди посла́ мѧ показа́ти тебѣ̀ всѧ҄ ве́щы сїѧ҄ и҆ рещѝ тебѣ̀: дерза́й и҆ не бо́йсѧ,

34 и҆ не тщи́сѧ съ пе́рвыми времены̀ мы́слити сѹ́єтнаѧ, да не поспѣши́ши ѿ послѣ́днихъ време́нъ.

35 И҆ бы́сть по си́хъ, и҆ пла́кахсѧ па́ки и҆ та́кожде постѧ́хсѧ се́дмь дні́й, да и҆спо́лню трѝ седми҄цы, ѩ҆̀же речє́ны сѹ́ть мнѣ̀.

36 И҆ бы́сть во ѻ҆смѹ́ю но́щь, и҆ се́рдце моѐ смѹща́шесѧ па́ки во мнѣ̀, и҆ нача́хъ глаго́лати пред̾ вы́шнимъ:

37 распала́шесѧ бо дѹ́хъ мо́й ѕѣлѡ̀, и҆ дѹша̀ моѧ̀ ѹ҆ныва́ше.

38 И҆ реко́хъ: ѽ, гд҇и! гл҃ѧ гл҃алъ є҆сѝ ѿ нача́ла сотворе́нїѧ въ пе́рвый де́нь (гл҃ющь): да бѹ́детъ не́бо и҆ землѧ̀, и҆ твоѐ сло́во дѣ́ло соверше́нно:

39 и҆ бы́сть тогда̀ дх҃ъ, и҆ тма̀ ѡ҆́крестъ ноша́шесѧ и҆ молча́нїе: шѹ́мъ гла́са человѣ́ча є҆щѐ не бѣ̀ (сотворе́нъ) ѿ тебє̀:

40 тогда̀ гл҃алъ є҆сѝ, да ѿ сокро́вищъ твои́хъ произнесе́тсѧ свѣ́тъ свѣ́тлый, и҆́мже бы ѩ҆ви́лосѧ дѣ́ло твоѐ.

41 И҆ въ де́нь вторы́й созда́лъ є҆сѝ дѹ́хъ тве́рди и҆ повелѣ́лъ є҆сѝ є҆́й, да раздѣли́тъ и҆ раздѣле́нїе сотвори́тъ междѹ̀ вода́ми, да ча́сть нѣ́каѧ вы́ше ѹ҆стѹ́питъ и҆ ча́сть втора́ѧ ни́зѹ пребыва́етъ.

42 И҆ въ тре́тїй де́нь повелѣ́лъ є҆сѝ вода́мъ собра́тисѧ въ седмѹ́ю ча́сть землѝ, ше́сть же часте́й ѡ҆сѹши́лъ и҆ сохрани́лъ є҆сѝ, є҆́же бы пред̾ тобо́ю слѹжи́ли насѣ҄ѧны ѿ бг҃а и҆ ѹ҆стро́єны:

43 сло́во бо твоѐ и҆зы́де, и҆ дѣ́ло а҆́бїе творѧ́шесѧ:

44 и҆зы́де бо а҆́бїе пло́дъ мно́жества безмѣ́рнагѡ, и҆ жела҄нїѧ вкѹше́нїѧ разли҄чнаѧ, и҆ цвѣ́ти ви́домъ непремѣ́ннымъ, и҆ благово́нїе ѡ҆бонѧ́нїѧ неизслѣ́дованнагѡ, и҆ въ де́нь тре́тїй сїѧ҄ сотворє́на сѹ́ть.

45 Въ четве́ртый же де́нь повелѣ́лъ є҆сѝ со́лнечнѣй бы́ти свѣ́тлости, лѹ́нномѹ свѣ́тѹ и҆ ѕвѣ́здъ расположе́нїю:

46 и҆ повелѣ́лъ є҆сѝ и҆̀мъ, да слѹ́жатъ и҆мѹ́щемѹ бы́ти созда́нномѹ человѣ́кѹ.

47 Въ пѧ́тый же де́нь ре́клъ є҆сѝ седмѣ́й ча́сти, и҆дѣ́же бѧ́ше вода̀ собрана̀, да произведе́тъ живѡ́тнаѧ и҆ лета҄ющаѧ и҆ ры҄бы, и҆ та́кѡ творѧ́шесѧ:

48 вода̀ нѣма̀ и҆ бездѹ́шна, ѩ҆̀же бж҃їимъ манове́нїемъ повелѣва́хѹсѧ, живѡ́тнаѧ творѧ́ше, да ѿ сегѡ̀ ди҄внаѧ твоѧ҄ ро́дове возвѣща́ютъ:

49 и҆ тогда̀ сохрани́лъ є҆сѝ двѣ̀ дѹши҄: и҆́мѧ є҆ди́нѣй назва́лъ є҆сѝ є҆нѡ́хъ, и҆ и҆́мѧ вторѣ́й назва́лъ є҆сѝ леѵїаѳа́мъ,

50 и҆ разлѹчи́лъ є҆сѝ ѧ҆̀ є҆ди́но ѿ дрѹга́гѡ: не бо̀ можа́ше седма́ѧ ча́сть, и҆дѣ́же бѧ́ше вода̀ собрана̀, вмѣсти́ти и҆̀хъ:

51 и҆ да́лъ є҆сѝ є҆нѡ́хѹ є҆ди́нѹ ча́сть, ѩ҆́же ѡ҆сѹшена̀ є҆́сть въ тре́тїй де́нь, да ѡ҆бита́етъ на не́й, и҆дѣ́же сѹ́ть го́ръ ты́сѧща:

52 леѵїаѳа́мѹ же да́лъ є҆сѝ седмѹ́ю ча́сть мо́крѹю и҆ сохрани́лъ є҆сѝ ю҆̀, да бѹ́детъ въ снѣ́дь, и҆̀мже хо́щеши и҆ когда̀ хо́щеши.

53 Въ шесты́й же де́нь повелѣ́лъ є҆сѝ землѝ, да сотвори́тъ пред̾ тобо́ю скоты̀ и҆ ѕвѣ҄ри и҆ га́ды,

54 и҆ свы́ше си́хъ (сотвори́лъ є҆сѝ) а҆да́ма, є҆го́же поста́вилъ є҆сѝ вожда̀ и҆ кнѧ́зѧ над̾ всѣ́ми сотворе́нными, ѩ҆̀же сотвори́лъ є҆сѝ, и҆ ѿ негѡ̀ роди́мсѧ мы̀ всѝ, и҆̀хже и҆збра́лъ є҆сѝ лю́ди.

55 Сїѧ҄ же всѧ҄ реко́хъ пред̾ тобо́ю, гд҇и, ѩ҆́кѡ ра́ди на́съ созда́лъ є҆сѝ вѣ́къ:

56 про́чыѧ же ѩ҆зы́ки ѿ а҆да́ма рождє́ны, ре́клъ є҆сѝ ѡ҆́ныѧ ничто́же бы́ти: ѩ҆́кѡ сли́нѣ ѹ҆подо́блени сѹ́ть, и҆ ѩ҆́кѡ ка́пленїе ѿ сосѹ́да ѹ҆подо́билъ є҆сѝ мно́жество и҆́хъ:

57 и҆ нн҃ѣ, гд҇и, сѐ, ті́и ѩ҆зы́цы, и҆̀же ни во что́же вмѣне́ни сѹ́ть, нача́ша владѣ́ти на́ми и҆ пожира́ти на́съ:

58 мы́ же лю́дїе твоѝ, и҆̀хже наре́клъ є҆сѝ пе́рвенцемъ є҆диноро́днымъ возлю́бленнымъ твои́мъ, пре́дани є҆смы̀ въ рѹ́ки и҆́хъ:

59 и҆ а҆́ще ра́ди на́съ сотворе́нъ бы́сть вѣ́къ, вскѹ́ю достоѧ́нїѧ не ѡ҆держи́мъ съ вѣ́комъ; доко́лѣ сїѧ҄ (бѹ́дѹтъ);

<< ← Prev Top Next → >>