1 "తాను ఈ లోకమునుండి తండ్రియొద్దకు వెళ్లవలసిన ఘడియ వచ్చెనని యేసు పస్కాపండుగకు ముందే ఎరిగిన వాడై, లోకములోనున్న తనవారిని ప్రేమించి, వారిని అంతమువరకు ప్రేమించెను."
2 వారు భోజనము చేయుచుండగా ఆయనను అప్పగింప వలెనని సీమోను కుమారుడగు ఇస్కరియోతు యూదా హృదయములో అపవాది ఇంతకుముందు ఆలోచన పుట్టించియుండెను గనుక
3 "తండ్రి తన చేతికి సమస్తము అప్పగించెననియు, తాను దేవుని యొద్దనుండి బయలుదేరి వచ్చెననియు, దేవునియొద్దకు వెళ్లవలసియున్నదనియు యేసు ఎరిగి,"
4 "భోజనపంక్తిలోనుండి లేచి తన పై వస్త్రము అవతల పెట్టివేసి, యొక తువాలు తీసికొని నడుమునకు కట్టుకొనెను."
5 "అంతట పళ్లెములో నీళ్లు పోసి శిష్యుల పాదములు కడుగుటకును, తాను కట్టుకొని యున్న తువాలుతో తుడుచుటకును మొదలుపెట్టెను."
6 "ఇట్లు చేయుచు ఆయన సీమోను పేతురునొద్దకు వచ్చినప్పుడు, అతడు - ప్రభువా, నీవు నా పాదములు కడుగుదువా? అని ఆయనతో అనెను."
7 "అందుకు యేసు - ''నేను చేయుచున్నది ఇప్పుడు నీకు తెలియదు గాని ఇక మీదట తెలిసికొందువు'' అని అతనితో చెప్పగా,"
8 పేతురు - నీవెన్నడును నా పాదములు కడుగరాదని ఆయనతో అనెను. అందుకు యేసు - ''నేను నిన్ను కడుగనియెడల నాతో నీకు పాలు లేదు'' అనెను.
9 "సీమోను పేతురు - ప్రభువా, నా పాదములు మాత్రమేకాక నా చేతులు నా తలకూడ కడుగుమని ఆయనతో చెప్పెను."
10 "యేసు అతని చూచి- స్నానము చేసినవాడు పాదములు తప్ప మరేమియు కడుగుకొన నక్కరలేదు, అతడు కేవలము పవిత్రుడయ్యెను. మీరును పవిత్రులు కాని మీలో అందరు పవిత్రులు కారు'' అనెను."
11 తన్ను అప్పగించువానిని ఎరిగెను గనుక - మీలో అందరు పవిత్రులు కారని ఆయన చెప్పెను.
Jesus Washing Disciples\' Feet 12 "వారి పాదములు కడిగి తన పై వస్త్రము వేసికొనిన తరువాత, ఆయన మరల కూర్చుండి - ''నేను మీకు చేసిన పని మీకు తెలిసినదా?"
13 బోధకుడానియు ప్రభువనియు మీరు నన్ను పిలుచుచున్నారు; నేను బోధకుడాను ప్రభువును గనుక మీరు నన్నిట్లు పిలుచుట న్యాయమే.
14 కాబట్టి ప్రభువును బోధకుడానైన నేను మీ పాదములు కడిగిన యెడల మీరును ఒకరి పాదములు మరియొకడు కడుగవలసినదే.
15 నేను మీకు చేసిన ప్రకారము మీరును చేయవలెనని మీకు మాదిరి చూపుటకు ఈలాగు చేసితిని.
16 "దాసుడు తన యజమాని కంటె గొప్పవాడు కాడు, పంపబడినవాడు తనను పంపిన వాని కన్న గొప్పవాడు కాడని మీతో నిశ్చయముగ చెప్పుచున్నాను."
17 ఈ సంగతులను మీరు యెరుగుదురు గనుక వీటిని చేసిన యెడల మీరు ధన్యులగుదురు.
18 మిమ్మునందరిని గూర్చి నేను చెప్పలేదు; నేను ఏర్పరచుకొన్నవారిని యెరుగుదును గాని - కీర్తనలు41:9లో వ్రాయబడిన ''నేను నమ్ముకొనిన నా విహితుడు నా యింట భోజనము చేసిన వాడు నన్ను తన్నుటకై తన మడిమనెత్తెను'' అను లేఖనము నెరవేరుటకై ఈలాగు జరుగును.
19 జరిగినప్పుడు నేనే ఆయననని మీరు నమ్మునట్లు అవి జరుగక మునుపే నేను మీతో చెప్పుచున్నాను.
20 నేనెవని పంపుదునో వాని చేర్చుకొనువాడు నన్ను చేర్చుకొనువాడగును; నన్ను చేర్చుకొనువాడు నన్ను పంపినవానిని చేర్చుకొనువాడగునని మీతో నిశ్చయముగా చెప్పుచున్నానని వారితో అనెను.
21 యేసు ఈ మాటలు పలికిన తరువాత ఆత్మలో కలవరపడి - ''మీలో ఒకడు నన్ను అప్పగించునని మీతో నిశ్చయముగా చెప్పుచున్నాను'' అని రూఢిగా చెప్పెను.
22 "ఆయన ఎవరిని గూర్చి యీలాగు చెప్పెనో అని శిష్యులు సందేహపడుచు ఒకరితట్టు ఒకరు చూచుకొనుచుండగా,"
23 ఆయన శిష్యులలో యేసు ప్రేమించిన యొకడు యేసు రొమ్మున ఆనుకొనుచుండెను.
24 గనుక ఎవరిని గూర్చి ఆయన చెప్పెనో అది తమకు చెప్పుమని సీమోను పేతురు అతనికి సైగచేసెను.
25 "అతడు యేసు రొమ్మున ఆనుకొనుచు - ప్రభువా, వాడెవడని ఆయనను అడిగెను."
26 "అందుకు యేసు - నేనొక ముక్క ముంచి ఎవని కిచ్చెదనో వాడే అని చెప్పి, ఒక ముక్క ముంచి సీమోను కుమారుడగు ఇస్కరియోతు యూదాకిచ్చెను;"
27 "వాడు ఆ ముక్క పుచ్చుకొనగానే సాతాను వానిలో ప్రవేశించెను. యేసు- ''నీవు చేయుచున్నది త్వరగా చేయుము'' అని వానితో చెప్పగా,"
28 ఆయన ఎందునిమిత్తము అతనితో అలాగు చెప్పెనో అది భోజనమునకు కూర్చుండిన వారిలో ఎవనికిని తెలియలేదు.
29 "డబ్బు సంచి యూదా యొద్ద ఉండెను గనుక పండుగకు తమకు కావలసిన వాటిని కొనుమని యైనను, బీదలకేమైన ఇమ్మనియైనను యేసు వానితో చెప్పినట్లు కొందరునుకొనిరి."
30 వాడు ఆ ముక్క పుచ్చుకొని వెంటనే బయటికి వెళ్ళెను; అప్పుడు రాత్రి వేళ.
31 వాడు వెళ్లిన తరవాత యేసు ఇట్లనెను - ''ఇప్పుడు మనుష్యకుమారుడు మహిమపరచబడియున్నాడు; దేవుడును ఆయనయందు మహిమపరచబడియున్నాడు.
32 "దేవుడు ఆయనయందు మహిమపరచబడినయెడల, దేవుడు తన యందు ఆయనను మహిమపరచును; వెంటనే ఆయనను మహిమపరచును."
33 "పిల్లలారా, ఇంక కొంతకాలము మీతో కూడ ఉందును; మీరు నన్ను వెదకుదురు, నేనెక్కడికి వెళ్లుదునో అక్కడికి మీరు రాలేరని నేను యూదులతో చెప్పిన ప్రకారము ఇప్పుడు మీతోను చెప్పుచున్నాను."
34 మీరు ఒకరి నొకరు ప్రేమింపవలెనని మీకు క్రొత్త ఆజ్ఞ ఇచ్చుచున్నాను; నేను మిమ్మును ప్రేమించినట్టే మీరును ఒకరి నొకరు ప్రేమింపవలెను.
35 మీరు ఒకనియెడల ఒకడు ప్రేమగలవారైన యెడల దీనిబట్టి మీరు నా శిష్యులని అందరును తెలిసికొందురు'' అనెను.
36 "సీమోను పేతురు - ప్రభువా, నీవ్కెడికి వెళ్లుచున్నావని ఆయనను అడుగగా, యేసు - ''నేను వెళ్లుచున్నచోటికి నీవిప్పుడు నావెంట రాలేవుగాని, తరువాత వచ్చెదవు'' అని అతనితో చెప్పెను."
37 "అందుకు పేతురు - ప్రభువా, నేనెందుకు ఇప్పుడు నీ వెంట రాలేను? నీ కొరకు నా ప్రాణము పెట్టుదునని ఆయనతో చెప్పగా,"
38 యేసు - ''నా కొరకు నీ ప్రాణము పెట్టుదువా? ఆయనను ఎరుగనని నీవు ముమ్మారు చెప్పక ముందు కోడికూయదు'' అని నీతో నిశ్చయముగా చెప్పుచున్నాననెను. |
;)