1 И҆з̾ глѹбины̀ воззва́хъ къ тебѣ̀, гд҇и: гд҇и, ѹ҆слы́ши гла́съ мо́й.
2 Да бѹ́дѹтъ ѹ҆́ши твоѝ вне́млющѣ гла́сѹ моле́нїѧ моегѡ̀.
3 А҆́ще беззакѡ́нїѧ на́зриши, гд҇и, гд҇и, кто̀ постои́тъ; ѩ҆́кѡ ѹ҆ тебє̀ ѡ҆чище́нїе є҆́сть.
4 И҆́мене ра́ди твоегѡ̀ потерпѣ́хъ тѧ̀, гд҇и, потерпѣ̀ дѹша̀ моѧ̀ въ сло́во твоѐ: ѹ҆пова̀ дѹша̀ моѧ̀ на гд҇а.
5 Ѿ стра́жи ѹ҆́треннїѧ до но́щи, ѿ стра́жи ѹ҆́треннїѧ да ѹ҆пова́етъ ї҆и҃ль на гд҇а:
6 ѩ҆́кѡ ѹ҆ гд҇а мл҇ть, и҆ мно́гое ѹ҆ негѡ̀ и҆збавле́нїе: и҆ то́й и҆зба́витъ ї҆и҃лѧ ѿ всѣ́хъ беззако́нїй є҆гѡ̀. |
