1 Речѐ гд҇ь гд҇еви моемѹ̀: сѣдѝ ѡ҆деснѹ́ю менє̀, до́ндеже положѹ̀ врагѝ твоѧ҄ подно́жїе но́гъ твои́хъ.
2 Же́злъ си́лы по́слетъ тѝ гд҇ь ѿ сїѡ́на, и҆ гд҇ствѹй посредѣ̀ врагѡ́въ твои́хъ.
3 Съ тобо́ю нача́ло въ де́нь си́лы твоеѧ̀, во свѣ́тлостехъ ст҃ы́хъ твои́хъ: и҆з̾ чре́ва пре́жде денни́цы роди́хъ тѧ̀.
4 Клѧ́тсѧ гд҇ь и҆ не раска́етсѧ: ты̀ ї҆ере́й во вѣ́къ по чи́нѹ мелхїседе́ковѹ.
5 Гд҇ь ѡ҆деснѹ́ю тебє̀ сокрѹши́лъ є҆́сть въ де́нь гнѣ́ва своегѡ̀ цари҄:
6 сѹ́дитъ во ѩ҆зы́цѣхъ, и҆спо́лнитъ падє́нїѧ, сокрѹши́тъ главы҄ на землѝ мно́гихъ.
7 Ѿ пото́ка на пѹтѝ пїе́тъ: сегѡ̀ ра́ди вознесе́тъ главѹ̀. |
