1 Гд҇и, кто̀ ѡ҆бита́етъ въ жили́щи твое́мъ; и҆лѝ кто̀ всели́тсѧ во ст҃ѹ́ю го́рѹ твою̀;
2 Ходѧ́й непоро́ченъ и҆ дѣ́лаѧй пра́вдѹ, глаго́лѧй и҆́стинѹ въ се́рдцы свое́мъ:
3 и҆́же не ѹ҆льстѝ ѧ҆зы́комъ свои́мъ и҆ не сотворѝ и҆́скреннемѹ своемѹ̀ ѕла̀, и҆ поноше́нїѧ не прїѧ́тъ на бли҄жнїѧ своѧ҄:
4 ѹ҆ничиже́нъ є҆́сть пред̾ ни́мъ лѹка́внѹѧй, боѧ́щыѧжесѧ гд҇а сла́витъ: клены́йсѧ и҆́скреннемѹ своемѹ̀ и҆ не ѿмета́ѧсѧ:
5 сребра̀ своегѡ̀ не дадѐ въ ли́хвѹ и҆ мзды̀ на непови́нныхъ не прїѧ́тъ. Творѧ́й сїѧ҄ не подви́житсѧ во вѣ́къ. |
