Библия, Іѡвъ, Глава 21. is available here: https://www.bible.promo/chapters.php?id=10457&pid=20&tid=1&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Іѡвъ

Библия - Церковнославянская

Е҆сѳи́рь Іѡвъ Ѱалти́рь

Глава 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

1 Ѿвѣща́въ же їѡвъ, речѐ:

2 послѹ́шайте, послѹ́шайте слове́съ мои́хъ, да не бѹ́детъ мѝ ѿ ва́съ сїѐ ѹ҆тѣше́нїе:

3 потерпи́те мѝ, а҆́зъ же возглаго́лю, та́же не посмѣе́темисѧ.

4 Что́ бо; є҆да̀ человѣ́ческо мѝ ѡ҆бличе́нїе; и҆лѝ почто̀ не воз̾ѧрю́сѧ;

5 Воззрѣ́вшїи на мѧ̀ ѹ҆диви́тесѧ, рѹ́кѹ поло́жше на лани́тѣ.

6 А҆́ще бо воспомѧнѹ̀, ѹ҆жаснѹ́сѧ: ѡ҆бдержа́тъ бо пло́ть мою̀ болѣ҄зни.

7 Почто̀ нечести́вїи живѹ́тъ, ѡ҆бетша́ша же въ бога́тствѣ;

8 Сѣ́мѧ и҆́хъ по дѹшѝ, ча҄да же и҆́хъ пред̾ ѻ҆чи́ма.

9 До́мове и҆́хъ ѻ҆би́лнїи сѹ́ть, стра́хъ же нигдѣ̀, ра́ны же ѿ гд҇а нѣ́сть на ни́хъ.

10 Говѧ́до и҆́хъ не и҆зве́рже: спасе́на же бы́сть и҆́хъ и҆мѹ́щаѧ во чре́вѣ и҆ не лиши́сѧ.

11 Пребыва́ютъ же ѩ҆́кѡ ѻ҆́вцы вѣ҄чныѧ, дѣ́ти же и҆́хъ пред̾игра́ютъ,

12 взе́мше ѱалти́рь и҆ гѹ́сли, и҆ веселѧ́тсѧ гла́сомъ пѣ́сни.

13 Сконча́ша во благи́хъ житїѐ своѐ, въ поко́и же а҆́довѣ ѹ҆спо́ша.

14 Глаго́лютъ же гд҇еви: ѿстѹпѝ ѿ на́съ, пѹті́й твои́хъ вѣ́дѣти не хо́щемъ:

15 что̀ досто́инъ, ѩ҆́кѡ да порабо́таемъ є҆мѹ̀; и҆ ка́ѧ по́льза, ѩ҆́кѡ да взы́щемъ є҆го̀;

16 Въ рѹка́хъ бо и҆́хъ бѧ́хѹ блага҄ѧ, дѣ́лъ же нечести́выхъ не надзира́етъ.

17 Ѻ҆ба́че же и҆ нечести́выхъ свѣти́лникъ ѹ҆га́снетъ, на́йдетъ же и҆̀мъ развраще́нїе, бѡлѣ́зни же и҆̀хъ ѡ҆б̾и́мѹтъ ѿ гнѣ́ва:

18 бѹ́дѹтъ же а҆́ки плє́вы пред̾ вѣ́тромъ, и҆лѝ ѩ҆́коже пра́хъ, є҆го́же взѧ̀ ви́хръ.

19 Да ѡ҆скѹдѣ́ютъ сынѡ́мъ и҆мѣ҄нїѧ є҆гѡ̀: возда́стъ проти́вѹ є҆мѹ̀, и҆ ѹ҆разѹмѣ́етъ.

20 Да ѹ҆́зрѧтъ ѻ҆́чи є҆гѡ̀ своѐ ѹ҆бїе́нїе, ѿ гд҇а же да не спасе́тсѧ.

21 ѩ҆́кѡ во́лѧ є҆гѡ̀ съ ни́мъ въ домѹ̀ є҆гѡ̀, и҆ чи́сла мц҇ей є҆гѡ̀ раздѣли́шасѧ.

22 Не гд҇ь ли є҆́сть наѹча́ѧй ра́зѹмѹ и҆ хи́трости; то́йже мѹ́дрыхъ разсѹжда́етъ.

23 То́й ѹ҆́мретъ въ си́лѣ простоты̀ своеѧ̀, всецѣ́лъ же благодѹ́шествѹѧй и҆ благоѹспѣва́ѧй,

24 ѹ҆тро́ба же є҆гѡ̀ и҆спо́лнена тѹ́ка, мо́згъ же є҆гѡ̀ разлива́етсѧ.

25 Ѻ҆́въ же ѹ҆мира́етъ въ го́рести дѹшѝ, не ѩ҆ды́й ничто́же бла́га.

26 Вкѹ́пѣ же на землѝ спѧ́тъ, гни́лость же и҆̀хъ покры̀.

27 Тѣ́мже вѣ́мъ ва́съ, ѩ҆́кѡ де́рзостїю належите́ ми,

28 ѩ҆́кѡ рече́те: гдѣ́ є҆сть до́мъ кнѧ́жь; и҆ гдѣ́ є҆сть покро́въ селе́нїй нечести́выхъ;

29 Вопроси́те мимоходѧ́щихъ пѹте́мъ, и҆ зна́мєнїѧ и҆́хъ не чѹ҄жда сотвори́те.

30 ѩ҆́кѡ на де́нь па́гѹбы соблюда́етсѧ нечести́вый, и҆ въ де́нь гнѣ́ва є҆гѡ̀ ѿведе́нъ бѹ́детъ.

31 Кто̀ возвѣсти́тъ пред̾ лице́мъ є҆гѡ̀ пѹ́ть є҆гѡ̀, и҆ є҆́же то́й сотворѝ, кто̀ возда́стъ є҆мѹ̀;

32 И҆ то́й во гро́бъ ѿнесе́нъ бы́сть, и҆ на гроби́щихъ побдѣ̀.

33 Ѹ҆слади́сѧ є҆мѹ̀ дро́бное ка́менїе пото́ка, и҆ в̾слѣ́дъ є҆гѡ̀ всѧ́къ человѣ́къ ѿи́детъ, и҆ пред̾ ни́мъ безчи́сленнїи.

34 Ка́кѡ же мѧ̀ ѹ҆тѣша́ете сѹ́етными; а҆ є҆́же бы мнѣ̀ почи́ти ѿ ва́съ, ничто́же.

<< ← Prev Top Next → >>