Библия, Неемі́и, Глава 3. is available here: https://www.bible.promo/chapters.php?id=10416&pid=18&tid=1&bid=85
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Библия / Ветхий Завет / Неемі́и

Библия - Церковнославянская

а҃ е҆́здры Неемі́и Е҆сѳи́рь

Глава 1 2 3 4 5 6 7 8 9 10 11 12 13

1 И҆ воста̀ є҆лїасѹ́въ свѧще́нникъ вели́кїй и҆ бра́тїѧ є҆гѡ̀ свѧще́нницы, и҆ созда́ша врата̀ ѡ҆́вчаѧ: сі́и ѡ҆свѧти́ша и҆̀хъ и҆ поста́виша двє́ри и҆́хъ и҆ да́же до столпа̀ ста̀ лакѡ́тъ ѡ҆свѧти́ша и҆̀хъ, да́же до столпа̀ а҆намеи́лѧ.

2 И҆ бли́з̾ є҆гѡ̀ созида́ша мѹ́жїе ї҆ерїхѡ́нстїи, и҆ бли́з̾ и҆́хъ созида̀ закхѹ́ръ сы́нъ а҆мані́инъ.

3 Врата́ же ры҄бнаѧ созида́ша сы́нове а҆сана́євы: сі́и покры́ша и҆̀хъ и҆ поста́виша двє́ри и҆́хъ и҆ завѡ́ры и҆́хъ и҆ верєѝ и҆́хъ.

4 И҆ бли́з̾ и҆́хъ созида́ше и҆з̾ рамѡ́ѳы сы́нъ ѹ҆рі́инъ, сы́на а҆ккѡ́сова: и҆ бли́з̾ є҆гѡ̀ созида́ше мосолла́мъ сы́нъ варахі́инъ, сы́на мазеви́лѧ: и҆ бли́зъ и҆́хъ созида́ше садѡ́къ сы́нъ ваана́евъ:

5 и҆ бли́з̾ и҆́хъ созида́ша ѳекѡі́ми, си́льнїи же и҆́хъ не положи́ша вы́и своеѧ̀ въ дѣ́ло гд҇а бг҃а своегѡ̀.

6 И҆ врата̀ ста҄раѧ созида́ше ї҆ѡїда̀ сы́нъ фасе́ковъ и҆ месѹлла́мъ сы́нъ васѡді́евъ: ті́и покры́ста и҆̀хъ и҆ поста́виста двє́ри и҆́хъ и҆ завѡ́ры и҆ верєѝ и҆́хъ.

7 И҆ бли́з̾ и҆́хъ созида́ша малті́а гаваѡні́тинъ и҆ є҆ѵарѡ́нъ мирѡнѡѳі́тъ, мѹ́жїе ѿ гаваѡ́на и҆ ма́сфы, да́же до престо́ла кнѧ́зѧ (и҆́же бы́сть) ѡ҆б̾ ѡ҆́нъ по́лъ рѣкѝ.

8 И҆ бли́з̾ є҆гѡ̀ созида̀ ѻ҆зїи́лъ сы́нъ а҆рахі́евъ злата́рь: и҆ бли́з̾ є҆гѡ̀ созида̀ а҆нані́а сы́нъ рѡкеі́ма, и҆ возста́виша ї҆ер҇ли́мъ да́же до стѣны̀ широ́кїѧ.

9 И҆ бли́з̾ и҆́хъ созида́ше рафаі́а сы́нъ сѹ́ринъ, нача́лникъ полови́ны ѡ҆кре́стныѧ страны̀ ї҆ер҇ли́мли.

10 И҆ бли́з̾ и҆́хъ созида́ше ї҆еде́а сы́нъ є҆рѡма́фовъ, и҆ проти́вѹ до́мѹ є҆гѡ̀: и҆ бли́з̾ є҆гѡ̀ созида̀ а҆ттѹ́ѳъ сы́нъ а҆савані́инъ.

11 И҆ вторѹ́ю ча́сть созида́ше мелхі́а сы́нъ и҆ра́мовъ и҆ а҆сѹ́въ сы́нъ фаа́ѳъ-мѡа́вль, и҆ да́же до столпа̀ пе́щнагѡ.

12 И҆ бли́з̾ є҆гѡ̀ созида́ше саллѹ́мъ сы́нъ а҆ллѡи́совъ, нача́лникъ полови́ны страны̀ ѡ҆кре́стныѧ ї҆ер҇ли́мли, то́й и҆ дщє́ри є҆гѡ̀.

13 Врата̀ ю҆до́ли созида́ша а҆нѹ́нъ и҆ ѡ҆бита́ющїи въ занѡ́нѣ: ті́и созда́ша и҆̀хъ и҆ поста́виша двє́ри и҆́хъ и҆ завѡ́ры и҆́хъ и҆ верєѝ и҆́хъ, и҆ ты́сѧща лакѡ́тъ въ стѣнѣ̀ да́же до вра́тъ гно́йныхъ.

14 И҆ врата̀ гнѡ́йнаѧ созида́ше мелхі́а сы́нъ риха́вль, нача́лникъ ѡ҆кре́стныѧ страны̀ виѳакра́мскїѧ, то́й и҆ сы́нове є҆гѡ̀, и҆ покры́ша и҆̀хъ и҆ поста́виша двє́ри и҆́хъ и҆ завѡ́ры и҆́хъ и҆ верєѝ и҆́хъ.

15 И҆ врата̀ и҆сто́чника созида́ше соломѡ́нъ сы́нъ халезе́овъ, нача́лникъ страны̀ масфы̀: то́й созда̀ и҆̀хъ и҆ покры̀ и҆̀хъ, и҆ поста́ви двє́ри и҆́хъ и҆ завѡ́ры и҆́хъ и҆ верєѝ и҆́хъ, и҆ стѣ́нѹ кѹпѣ́ли сїлѡа́мли ко вертогра́дѹ царе́вѹ и҆ да́же до степе́ней низходѧ́щихъ ѿ гра́да даві́дова.

16 По не́мже созида́ше неемі́а сы́нъ завѹ́ховъ, нача́лникъ полови́ны страны̀ виѳсѹ́ровы, да́же до вертогра́да гро́ба даві́дова и҆ да́же до кѹпѣ́ли ѹ҆стро́еныѧ и҆ да́же до до́мѹ си́льныхъ.

17 По не́мъ созида́ша леѵі́ти, раѹ́мъ сы́нъ ванаи́мль: по не́мъ созида́ше а҆саві́а, нача́лникъ полови́ны страны̀ кеїлы̀ на странѣ̀ свое́й,

18 и҆ по не́мъ созида́ша бра́тїѧ и҆́хъ, вене́й сы́нъ и҆нада́довъ, нача́лникъ полови́ны ѡ҆кре́стныѧ страны̀ кеїлы̀.

19 И҆ созида́ше бли́з̾ є҆гѡ̀ а҆зѹ́ръ сы́нъ ї҆исѹ́совъ, нача́лникъ масфы̀, мѣ́рѹ вторѹ́ю столпа̀ восхо́да каса́ющагѡсѧ ѹ҆́глѹ.

20 И҆ по не́мъ созида́ше варѹ́хъ, сы́нъ завѹ́евъ, мѣ́рѹ вторѹ́ю ѿ ѹ҆́гла да́же до вра́тъ до́мѹ є҆лїасѹ́ва свѧще́нника вели́кагѡ.

21 По не́мъ созида́ше мерамѡ́ѳъ сы́нъ ѹ҆рі́и, сы́на а҆ккѡ́сова, мѣ́рѹ вторѹ́ю ѿ вра́тъ до́мѹ є҆лїасѹ́вова да́же до конца̀ до́мѹ є҆лїасѹ́вова.

22 И҆ по не́мъ созида́ша свѧще́нницы, мѹ́жїе ѿ по́лѧ (ї҆ѻрда́нска).

23 И҆ по не́мъ созида́ста венїамі́нъ и҆ а҆сѹ́въ проти́вѹ домѡ́въ свои́хъ: и҆ по не́мъ созида́ше а҆зарі́а сы́нъ маасі́евъ, сы́на а҆нані́ина, бли́з̾ до́мѹ своегѡ̀.

24 По не́мъ созида́ше ване́й сы́нъ а҆да́довъ мѣ́рѹ вторѹ́ю ѿ до́мѹ а҆зарі́и да́же до ѹ҆́гла и҆ да́же до ѹ҆клоне́нїѧ.

25 Фала́хъ сы́нъ ѹ҆за́инъ проти́вѹ ѹ҆́гла и҆ столпа̀ возвыше́нагѡ и҆з̾ до́мѹ царе́ва высо́кѡ, и҆́же во дворѣ̀ темни́чнѣмъ: и҆ по не́мъ фадаі́а сы́нъ форо́совъ.

26 И҆ наѳїні́ми ѡ҆бита́ша во ѡ҆фа́лѣ, да́же до вертогра́да вра́тъ во́дныхъ ко восто́кѡмъ и҆ да́же до столпа̀, и҆́же бѣ̀ возвыше́нъ.

27 И҆ по ни́хъ созида́ша ѳекѡі́ми мѣ́рѹ вторѹ́ю ѿ страны̀ столпа̀ вели́кагѡ и҆ высо́кагѡ да́же до стѣны̀ ѻ҆флы̀.

28 Вы́шше вра́тъ ко́нскихъ созида́ша свѧще́нницы, є҆ди́нъ кі́йждо проти́вѹ до́мѹ своегѡ̀.

29 И҆ по не́мъ созида́ше саддѹ́къ сы́нъ є҆мми́рь проти́вѹ до́мѹ своегѡ̀: и҆ по не́мъ созида́ше самаі́а сы́нъ сехені́евъ, стра́жъ вра́тъ восто́чныхъ.

30 По не́мъ созида́ше а҆нані́а сы́нъ селемі́евъ и҆ а҆нѡ́мъ сы́нъ селе́фовъ шесты́й мѣ́рѹ вторѹ́ю: по не́мъ созида́ше месѹлла́мъ сы́нъ варахі́евъ проти́вѹ сокро́вищницы своеѧ̀.

31 По не́мъ созида́ше мелхі́а сы́нъ сарефі́евъ да́же до до́мѹ наѳїні́млѧ и҆ щиты̀ продаю́щихъ, проти́вѹ вра́тъ сѹ́дныхъ, и҆ да́же до го́рницы ѹ҆́гла.

32 И҆ посредѣ̀ вра́тъ ѻ҆́вчихъ созида́ша кѡвачѝ и҆ щитопрода́вцы.

<< ← Prev Top Next → >>