Աստվածաշունչը, ԹԱԳԱՒՈՐՈՒԹԻՒՆՆԵՐ Գ, ղեկավար 11. is available here: https://www.bible.promo/chapters.php?id=10302&pid=13&tid=1&bid=80
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Աստվածաշունչը / հին Կտակարան / ԹԱԳԱՒՈՐՈՒԹԻՒՆՆԵՐ Գ

Աստվածաշունչը - Արարատյան Թարգմանություն

ԹԱԳԱՒՈՐՈՒԹԻՒՆՆԵՐ Բ ԹԱԳԱՒՈՐՈՒԹԻՒՆՆԵՐ Գ ԹԱԳԱՒՈՐՈՒԹԻՒՆՆԵՐ Դ

ղեկավար 1 2 3 4 5 6 7 8 9 10 11 12 13 14 15 16 17 18 19 20 21 22

1 Եւ Սողոմոն թագաւորը շատ օտարազգի կանայք սիրեց, բացի Փարաւօնի աղջկանից՝՝, այսինքն Մովաբացիներ, Ամմոնացիներ, Եդովմացիներ, Սիդոնացիներ, Քետացիներ.

2 Այն ազգերից որոնց համար Տէրն ասել էր Իսրայէլի որդկանց թէ նորանց մօտ մի մտնէք, եւ նորանք էլ ձեզ մօտ չմտնեն, որ ձեր սիրտերը չդարձնեն իրանց աստուածների ետեւից։ Սողոմոնը սիրով նորանց յարեցաւ։

3 Եւ եօթը հարիւր տիկին կանայք եւ երեք հարիւր հարճ ունէր, եւ իր կանայքը նորա սիրտը դարձրին։

4 Եւ եղաւ Սողոմոնի ծերութեան ժամանակին որ նորա կանայքը դարձրին նորա սիրտը ուրիշ աստուածների ետեւից, եւ նորա սիրտը ուղիղ չէր իր Տէր Աստուծոյ հետ ինչպէս իր հայր Դաւիթի սիրտը։

ԹԱԳԱՒՈՐՈՒԹԻՒՆՆԵՐ Գ 11:4 - Solomon Falls Into Sin
Solomon Falls Into Sin
5 Եւ Սողոմոնը գնաց Սիդոնացիների Աստարովթ աստուծոյ ետեւից եւ Ամմոնացիների գարշելի Մեղքոմի ետեւից։

6 Եւ Սողոմոնը չարութիւն արաւ Տիրոջ առաջին եւ չհետեւեց Տիրոջը իր հայր Դաւիթի պէս։

7 Այն ժամանակ Սողոմոնը մի բարձրաւանդակ շինեց Մովաբացիների գարշելի Քամովսի համար Երուսաղէմի դիմացի սարի վերայ, նոյնպէս եւ Ամմոնի որդկանց գարշելի Մողոքի համար։

8 Եւ այսպէս էլ արաւ իր բոլոր օտարազգի կանանց համար որ իրանց աստուածներին խունկ էին ծխում եւ զոհ մատուցանում։

9 Եւ Տէրը բարկացաւ Սողոմոնի վերայ, որ իր սիրտը ծռեց Իսրայէլի Տէր Աստուածանից, որ երկու անգամ իրան երեւեցել էր։

10 Եւ նորան այս բանի համար պատուիրել էր որ ուրիշ աստուածների ետեւից չգնայ. Բայց նա չպահեց ինչ որ Տէրը նորան հրամայել էր։

11 Եւ Տէրն ասեց Սողոմոնին. Որովհետեւ այս բաները լինում են քեզ մօտ, եւ դու չպահեցիր իմ ուխտը եւ իմ քեզ հրամայած պատուէրները, ես անշուշտ պիտի քեզանից պատառեմ թագաւորութիւնը, եւ քո ծառային պիտի տամ այն։

12 Միայն թէ քո օրերումը չեմ անելու քո հայր Դաւիթի պատճառով, քո որդիի ձեռիցն եմ նորան պատառելու։

13 Սակայն բոլոր թագաւորութիւնը չեմ պատառելու, մէկ ցեղը պիտի տամ քո որդիին իմ ծառայ Դաւիթի պատճառով, եւ իմ ընտրած Երուսաղէմի պատճառով։

14 Եւ Տէրը Սողոմոնի համար մի հակառակորդ վերկացրեց, այսինքն Եդովմի թագաւորի սերունդից Եդովմացի Ադադին։

15 Որովհետեւ Դաւիթը Եդովմում եղած ժամանակը, երբոր Յովաբ զօրագլուխը վեր գնաց, որ սպանուածներին թաղէ եւ Եդովմում կոտորեց բոլոր արուներին,

16 Որովհետեւ Յովաբը եւ բոլոր Իսրայէլը վեց ամիս բնակուեցան այնտեղ մինչեւ որ Եդովմումը բոլոր արուներին բնաջինջ արաւ.

17 Այն ժամանակ Ադադն ինքը եւ իր հօր ծառաներից Եդովմացի մարդիկ իր հետ փախան գնացին Եգիպտոս. Եւ Ադադը փոքր երեխայ էր։

18 Եւ նորանք Մադիամից վեր կացան ու եկան Փառան, եւ իրանց հետ մարդիկ վեր առան Փառանից ու գնացին Եգիպտոս Եգիպտոսի թագաւոր Փարաւօնի մօտ. Եւ նա նորան տուն եւ հաց տուաւ, եւ նորան երկիր շնորհեց։

19 Եւ Ադադը շատ շնորհք գտաւ Փարաւօնի աչքի առաջին, եւ նա իր կնկան քոյրը նորան կին տուաւ՝ Թահփենէս թագուհիի քոյրը։

20 Եւ Թահփենէսի քոյրը նորա համար ծնեց Գանեբաթին, եւ Թահփենէսը նորան մեծացրեց Փարաւօնի տանը. Եւ Գանեբաթը լինում էր Փարաւօնի տանը Փարաւօնի որդիների մէջ։

21 Եւ Ադադը լսեց Եգիպտոսում, թէ Դաւիթը ննջել է իր հայրերի հետ, եւ թէ Յովաբ զօրագլուխը մեռել է, եւ Ադադն ասեց Փարաւօնին. Ինձ արձակիր որ իմ երկիրը գնամ։

22 Եւ Փարաւօնն ասեց նորան. Ի՞նչդ է պակաս ինձ մօտ, որ հիմա ուզում ես քո երկիրը գնալ. Բայց նա ասեց. Ոչ, այլ ինձ անպատճառ արձակիր։

23 Եւ Աստուած նորա դէմ մի ուրիշ հակառակորդ վեր կացրեց՝ Եղիադայի որդի Ռազոնին, որ փախել էր իր տիրոջից՝ Սուբայի Ադրազար թագաւորից։

24 Եւ նա իր մօտ մարդիկ հաւաքեց եւ գնդապետ եղաւ. և երբոր Դաւիթը նորանց կոտորեց, գնացին Դամասկոս եւ բնակուեցան այնտեղ եւ Դամասկոսումը թագաւորութիւն արին։

25 Եւ նա Իսրայէլին հակառակորդ էր Սողոմոնի բոլոր օրերումը. Բացի Ադադի արած չարութիւնից, նա նեղում էր Իսրայէլին. Եւ թագաւորեց Ասորիների վերայ։

26 Եւ Սողոմոնի ծառայ Սարեդայից Եփրաթացի Նաբատի որդի Յերոբովամը, որի մօր անունը Սարուա էր՝ մի որբեւայրի կին, սա էլ ձեռք բարձրացրեց թագաւորի դէմ։

27 Եւ սա է նորա թագաւորի վերայ ձեռք բարձրացնելու պատմութիւնը. Սողոմոնը Մելօնը շինել էր եւ իր հայր Դաւիթի քաղաքի քանդուածը պնդացրեց.

28 Եւ Յերոբովամը մի քաջազուն մարդ էր. Եւ երբոր Սողոմոնը նկատեց, որ նա մի գործունեայ տղամարդ է, նորան վերակացու դրաւ Յովսէփի տան բոլոր բեռների վերայ։

29 Եւ եղաւ երբոր Յերովոբամը դուրս ելաւ Երուսաղէմից, այն ժամանակ նորան գտաւ ճանապարհին Սիլոնացի Աքիա մարգարէն, եւ նա մի նոր վերարկու էր հագել. Եւ նորանք երկուսն էլ մինակ էին դաշտումը։

30 Եւ Աքիան նորա վերայի նոր վերարկուից բռնեց եւ ճղոտեց տասնեւերկու կտոր արաւ նորան։

31 Եւ Յերոբովամին ասեց. Քեզ համար տասը կտորը վեր առ. Որովհետեւ այսպէս է ասում Իսրայէլի Տէր Աստուածը. Ահա ես պիտի պատառեմ թագաւորութիւնը Սողոմոնի ձեռիցը եւ քեզ տամ տասը ցեղը.

32 Իսկ մէկ ցեղը նորան կլինի իմ ծառայ Դաւիթի պատճառով եւ Իսրայէլի բոլոր ցեղերից իմ ընտրած Երուսաղէմ քաղաքի պատճառով։

33 Որովհետեւ ինձ թողեցին եւ երկրպագութիւն արին Սիդոնացիների Աստարովթ աստուծուն եւ Մովաբի Քամովս աստուծուն, եւ Ամմոնի որդկանց Մեղքոմ աստուծուն, եւ չգնացին իմ ճանապարհներովը, որ իմ աչքի առաջին ուղիղը եւ իմ պատուէրները ու իրաւունքները կատարէին ինչպէս նորա հայր Դաւիթը։

34 Բայց բոլոր թագաւորութիւնը չեմ առնելու նորա ձեռից. Որովհետեւ նորան իշխան կդնեմ նորա կեանքի բոլոր օրերումն իմ ծառայ Դաւիթի պատճառով, որին ես ընտրել եմ, որ իմ հրամաններն ու իմ պատուէրները պահել է։

35 Սակայն պիտի առնեմ թագաւորութիւնը նորա որդիի ձեռիցը եւ քեզ տամ այն, այսինքն տասը ցեղերը։

36 Եւ նորա որդիին պիտի տամ մէկ ցեղը, որ իմ ծառայ Դաւիթը միշտ մէկ ճրագ ունենայ իմ առաջին Երուսաղէմում՝ այն քաղաքում որը ես ընտրել եմ որ իմ անունը դնեմ այնտեղ։

37 Եւ ես քեզ վեր եմ առնում, եւ դու կթագաւորես բոլոր սրտիդ ուզածին պէս եւ թագաւոր պիտի լինես Իսրայէլի վերայ։

38 Եւ կլինի որ եթէ լսես բոլոր իմ քեզ հրամայածին եւ գնաս իմ ճանապարհներումը եւ անես իմ աչքի առաջին ուղիղը, որ պահես իմ պատուէրները եւ հրամանները ինչպէս որ աում էր իմ Դաւիթ ծառան, այն ժամանակ ես քեզ հետ կլինեմ եւ քեզ համար հաստատուն տուն կշինեմ ինչպէս որ շինել եմ Դաւիթի համար, եւ Իսրայէլը քեզ կտամ։

39 Եւ պիտի խոնարհեցնեմ Դաւիթի սերունդը այս պատճառով, բայց ոչ թէ միշտ։

40 Եւ Սողոմոնն աշխատում էր որ Յերոբովամին սպանէ. Բայց Յերոբովամը վեր կացաւ եւ փախաւ Եգիպտոս՝ Եգիպտոսի թագաւոր Սիսակի մօտ, եւ մնաց Եգիպտոսում մինչեւ Սողոմոնի մեռնելը։

41 Եւ Սողոմոնի գործքերի մնացորդը, եւ նորա բոլոր արածը եւ նորա իմաստութիւնը, ահա նորանք գրուած են սողոմոնի գործքերի գրքումը։

42 Եւ Սողոմոնի բոլոր Իսրայէլի վերայ Երուսաղէմումն արած թագաւորութեան ժամանակն էր քառասուն տարի։

43 Եւ Սողոմոնը ննջեց իր հայրերի հետ եւ թաղուեցաւ իր հայր Դաւիթի քաղաքումը, եւ նորա որդի Ռոբովամը թագաւորեց նորա տեղ։

<< ← Prev Top Next → >>