Աստվածաշունչը, ԹՈՒԵՐ, ղեկավար 31. is available here: https://www.bible.promo/chapters.php?id=10148&pid=6&tid=1&bid=80
Holy Bible project logo icon
FREE OFF-line Bible for Android Get Bible on Google Play QR Code Android Bible

Holy Bible
for Android

is a powerful Bible Reader which has possibility to download different versions of Bible to your Android device.

Bible Verses
for Android

Bible verses includes the best bible quotes in more than 35 languages

Pear Bible KJV
for Android

is an amazing mobile version of King James Bible that will help you to read this excellent book in any place you want.

Pear Bible BBE
for Android

is an amazing mobile version of Bible in Basic English that will help you to read this excellent book in any place you want.

Pear Bible ASV
for Android

is an amazing mobile version of American Standard Version Bible that will help you to read this excellent book in any place you want.

BIBLE VERSIONS / Աստվածաշունչը / հին Կտակարան / ԹՈՒԵՐ

Աստվածաշունչը - Արարատյան Թարգմանություն

ՂԵՒՏԱԿԱՆ ԹՈՒԵՐ ԵՐԿՐՈՐԴ ՕՐԵՆՔ

ղեկավար 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

1 Եւ Եհովան խօսեց Մովսէսի հետ ասելով։

2 Իսրայէլի որդկանց վրէժը առնես Մադիանացիներից եւ յետոյ ժողովուես քո ժողովրդի հետ։

3 Եւ Մովսէսը խօսեց այն ժողովրդի հետ եւ ասեց. Ձեզանից մարդիկ պատրաստեցէք պատերազմի համար, եւ գնան Մադիամի վերայ, որ Մադիամիցը առնեն Եհովայի վրէժը։

4 Իսրայէլի բոլոր ցեղերի ամեն մէկից մէկ հազար մարդ պատերազմի ուղարկէք։

5 Եւ Իսրայէլի հազարաւորներից ամեն մէկ ցեղից մէկ հազար մարդ ընտրուեցաւ՝ այսինքն տասներկու հազար հոգի պատերազմի համար պատրաստուած։

6 Եւ Մովսէսը նորանց պատերազմի ուղարկեց, ամեն մէկ ցեղից մէկ հազար մարդ՝ նորանց հետ եւ նորանց Եղիազար քահանայի որդի Փենեհէսին պատերազմի ուղարկեց, եւ սուրբ անօթներն ու ազդարարութեան փողերը նորա ձեռքին։

7 Եւ Մադիանացիների դէմ պատերազմեցին, ինչպէս որ Եհովան Մովսէսին պատուիրել էր, եւ բոլոր արուներին մեռցրին.

8 Եւ նորանց սպանուածների հետ Մադիամի թագաւորներին էլ՝ Եւիին, Րոկոմին, Սուրին, Ուրին եւ Ռոբէին՝ Մադիամի հինգ թագաւորներին սպանեցին, եւ Բէովրի որդի Բաղաամին սրով մեռցրին։

9 Եւ Իսրայէլի որդիքը Մադիանացիների կանայքը ու տղայքը գերի առին, եւ նորանց բոլոր անասունները եւ ստացուածքը աւար առին։

10 Եւ նորանց բոլոր քաղաքները իրանց բնակարաններովը եւ բոլոր գիւղերը կրակով այրեցին։

11 Եւ բոլոր աւարը եւ բոլոր կողոպուտը առին՝ թէ մարդ եւ թէ անասուն։

12 Եւ գերիներին եւ կողոպուտը եւ աւարը բերին Մովսէսի, Եղիազար քահանայի մօտ եւ Իսրայէլի որդկանց ժողովքին բանակը, որ Երիքովի դէմ Յորդանանի մօտ՝ Մովաբի դաշտերումն է։

13 Եւ Մովսէսը եւ Եղիազար քահանան եւ ժողովքի բոլոր իշխանները դուրս բանակից նորանց դիմաւորելու։

14 Եւ Մովսէսը բարկացաւ զօրաց իշխանների հազարապետների վերայ, որ պատերազմիցը գալիս էին.

15 Եւ Մովսէսը նորանց ասեց. Մի՞թէ բոլոր կանանցը ողջ թողեցիք։

16 Ահա նորանք Բաղաամի խօսքովը պատճառ եղան Իսրայէլի որդկանց Փոքովրի գործումը Եհովայի դէմ մեղանչելուն, եւ այն հարուածը եկաւ Եհովայի ժողովքի վերայ։

17 Եւ հիմա երեխաներից ամեն արուին մեռցրէք, այն բոլոր կանանցը, որ մարդ են գիտացել արուի հետ պառկելով՝ մեռցրէք։

18 Եւ կանանցից այն բոլոր մանկահասակ աղջիկներին, որոնք մարդ չեն գիտացել արուի հետ պառկելով՝ ձեզ համար ողջթողեցէք։

19 Եւ դուք եօթն օր բանակից դուրս մնացէք. Եւ ամեն ով որ մարդ է մեռցրել եւ ամեն ով որ մեռածի է դպել, երրորդ օրը եւ եօթներորդ օրը մաքրուի՝ թէ դուք եւ թէ ձեր գերիները։

20 Եւ ամեն հանդերձ եւ ամեն մորթի անօթ եւ այծի մազից շինուած ամեն բան եւ ամեն փայտի աման մաքրեցէք։

21 Եւ Եղիազար քահանան ասեց պատերազմի գնացող զօրքերին. Այս է այն օրէնքի կանոնը, որ Եհովան Մովսէսին պատուիրեց։

22 Միայն ոսկին, արծաթը, պղինձը, երկաթը, անագը եւ կապարը,

23 Ամեն կրակը մտնելու բանը կրակիցը անցկացրէք, եւ նա մաքուր կլինի, բայց մաքրութեան ջրով մեղքից մաքրուի, սակայն կրակը չմտնող ամեն բան ջրից անցկացնէք։

24 Եւ եօթներորդ օրը ձեր հանդերձները լուանաք եւ մաքրուիք, եւ յետոյ բանակը մտնէք։

25 Եւ Եհովան խօսեց Մովսէսի հետ ասելով.

26 Դու Եղիազար քահանայի եւ ժողովքի նահապետութիւնների իշխանների հետ առնես առնուած կողոպուտի գումարը՝ թէ մարդի եւ թէ անասունի.

27 Եւ այն կողոպուտը պատերազմի գնացող պատերազմողներին եւ բոլոր ժողովքին հաւասարապէս բաժանես։

28 Եւ պատերազմի գնացող պատերազմողներից Եհովայի հասը առնես, հինգ հարիւրից մէկը՝ թէ մարդկանցից, թէ արջառներից, թէ էշերից եւ թէ ոչխարներից։

29 նորանց կէս բաժինիցը առնես, եւ Եղիազար քահանային տաս իբրեւ Եհովայի ընծայ։

30 Եւ իսրայէլի որդկանց կէս բաժինիցը յիսունից մէկը առնես, թէ մարդկանցից, թէ արջառներից, թէ էշերից, թէ ոչխարներից և ամեն անասուններից, եւ նորանք Եհովայի խորանին պահպանութիւնը անող Ղեւտացիներին տաս։

31 Եւ արաւ Մովսէսը եւ Եղիազար քահանան ինչպէս որ Եհովան Մովսէսին հրամայել էր։

32 Եւ կողոպուտը՝ այսինքն պատերազմող զօրքի առած աւարի գումարը այս էր. Վեց հարիւր եօթանասունեւհինգ հազար ոչխար,

33 Եօթանասուն երկու հազար արջառ,

34 Եւ վաթսունեւմէկ հազար էշ.

35 Եւ կնիկներ, որ արուի հետ պառկելով մարդ չեն գիտացել, ամենը երեսուն երկու հազար հոգի էին։

36 Եւ պատերազմի գնացողների հաւասար բաժինը այս էր. Ոչխարների թիւը՝ երեք հարիւր երեսունեւեօթը հազար հինգ հարիւր.

37 Եւ ոչխարներից Եհովայի հասը եղաւ՝ վեց հարիւր եօթանասունեւհինգ.

38 Եւ արջառները՝ երեսունեւվեց հազար, իսկ նորանց հասը Եհովային եօթանասունեւերկու.

39 Եւ էշերը՝ երեսուն հազար հինգ հարիւր, իսկ նորանց հասը Եհովային վաթսունեւմէկ.

40 Եւ մարդիկը տասնեւվեց հազար հոգի, իսկ նորանց հասը Եհովային երեսունեւերկու հոգի։

41 Եւ Մովսէսը Եհովային նուիրուած հասը Եղիազար քահանային տուաւ, ինչպէս որ Եհովան Մովսէսին պատուիրել էր։

42 Եւ Իսրայէլի որդկանց կէս բաժինից էլ, որ Մովսէսը պատերազմողներից բաժին էր առել,

43 (Եւ ժողովքի կէս բաժինը եղաւ երեք հարիւր երեսունեւեօթը հազար հինգ հարիւր ոչխար,

44 Երեսունեւվեց հազար արջառ,

45 Երեսուն հազար հինգ հարիւր էշ,

46 Եւ տասնեւվեց հազար հոգի։)

47 Եւ Մովսէսն առաւ իսրայէլի որդկանց կէս բաժինից՝ յիսունից մէկը, թէ մարդից, թէ անասունից, եւ նորանց տուաւ Եհովայի խորանի պահպանութիւնն անող Ղեւտացիներին, ինչպէս որ Եհովան Մովսէսին պատուիրել էր։

48 Եւ Մովսէսին մօտեցան զօրքի հազարաւորների վերակացուները՝ այսինքն հազարապետները եւ հարիւրապետները.

49 Եւ Մովսէսին ասեցին. Քո ծառաները մեր ձեռքի տակ եղող պատերազմողների գումարն առինք, եւ մեզանից մի մարդ պակաս չէ։

50 Եւ մատուցանենք Եհովայի ընծան՝ մեզանից ամեն մէկը ինչ որ գտանք՝ ոսկի զարդեր, շղթաներ, ապարանջաններ, մատանիներ, օղեր եւ փողոշուկներ, որ Եհովայի առաջին մեր հոգիների համար քաւութիւն անենք։

51 Եւ Մովսէսն ու Եղիազար քահանան նորանցից առին ոսկին՝ ամենն էլ բանուած զարդեր։

52 Եւ հազարապետներից ու հարիւրապետներից Եհովայի համար մատուցրուած ընծայի բոլոր ոսկին տասնեւվեց հազար եօթը հարիւր յիսուն սիկղ էր։

53 Պատերազմողների ամեն մէկն իր համար կողոպուտ էր առել։

54 Եւ Մովսէսն ու Եղիազար քահանան հազարապետներից եւ հարիւրապետներից ոսկին առին եւ ժողովքի խորանը բերին, իբրեւ Իսրայէլի որդկանց յիշատակ Եհովայի առաջին։

<< ← Prev Top Next → >>